उत्तराखंड बोर्ड कु परीक्षाफल परबात (कल) 6 जून खूंणि खुल्ळु

दून। उत्तराखण्ड बोर्ड के 10 अर 12 कु रिजल्ट 6 जून 2022 सोमबार खूंणि आलु। परीक्षफळ थै परिषद के वेबसाइट पर जारी करै जाळु।

10 अर 12 क बोर्ड परीक्षा कु परीक्षाफल उत्तराखण्ड विद्यालयी शिक्षा परिषद रामनगर मा खव्लें जालु, वै बगत राज्य शिक्षा मंत्री डॉ. धन सिंह रावत के वखम राला।

उत्तराखण्ड विद्यालयी शिक्षा परिषद क सचिव डॉ नीता तिवारी न प्रेस में बतै कि 06 जून खूंणि 4 बजि उत्तराखण्ड बोर्ड क 10 अर 12 कु परीक्षाफल खव्लें जालु। डॉ तिवारी न बतै कि परीक्षाफल खव्लण क बाद परिषद दप्तर रामनगर क वेबसाइट www.ubse.uk.gov.in अर www-uaresults.nic.in पर दिख्यें जालु।

उन्न बतै कि 28 मार्च 2022 बटि 19 अप्रैल 2022 तारिक तक बार्ड क इम्तयान हुईं। ऐसु क साल कक्षा 10 क 129778 अर कक्षा 12 क 113164 अभ्यर्थियों न परीक्षा द्यायी।

इम्तयान क बाद 25 अप्रैल बटि 09 मई 2022 तक उत्तर पुस्तिकाओं थैं दिय्खें ग्यीं। जैका बाद परीक्षा क परीक्षाफल थैं त्यार करै ग्यायी। उन्न बतै कि सोमबार खूंणि रामनगर मा शिक्षा मंत्री डॉ. धन सिंह रावत अर निदेशक माध्यमिक शिक्षा डॉ आर. के. कुंवर अर विभागाक अधिकारी परीक्षाफल खब्लदा वखम राला।