चंपावत क रैवासियों क हर आसा (उम्मीद) थैं पूरि करणा क कोसिक करळु: मुख्यमंत्री पुष्कर सिंह धामी

देरादूण। मुख्यमंत्री पुष्कर सिंह धामीन आज चंपावत विधानसभा उपचुनौ जितणा क बाद चंपावत सैंण मा उरर्यू कार्यक्रम मा बोलि कि चंपावत विधानसभा मा बड़ी जीत दिलौण वळा चम्पावत क रैवासी अर कार्यकर्ताओं थैं धन्यवाद।

मुख्यमंत्री धामीन बोलि कि चंपावत क दय्बतौं जन्न रैवासी कु दगड़ु अर पीडळ (प्यार) मि अप्फथैं भग्यान समझणु छौ। चम्पावतक रैवासियों क हर आसा थैं मि पूरि करूळु। उन्न अपड़ा केन्द्रीय नेताऊ थैं भि आभार बोलि अर बोलि कि प्रधानमंत्री नरेन्द्र मोदी न उत्तराखण्ड के रैवासियों थैं आभार बोलि अर खास कैरिक चम्पावत के रैवासियों कु खास आभार बोलि।

मुख्यमंत्री धामीन बोलि कि कैलाश गहतोड़ी न चम्पावत मा जू विकासा काम करि मि उथैं अगने बढ़ाणौ काम करूळु , अब हमरि सरकार झटा-झट काम कारळी। उन्न बोलि बल अब चम्पावत क रैवासियों क दगड़ मा मिलिक विकासक काम करला।

मुख्यमंत्री न बोलि कि चम्पावत मा हम बौत जलदि हि मां हिंगला देवी मंदिर थैं रोप वे से जोड़ि द्यूला। पूर्णागिरी मा जू भि समस्या छन उथैं पूरू करळा अर चंपावत थैं स्मार्ट सिटी बण्यें जालु। सोबन सिंह जीता विश्वविद्यालय कैंपस थैं चम्पावत मा भि खव्ळें जालु।

मुख्यमंत्री न बोलि कि चंपावत क रैवासियों क हाथ ऊंका मुण्ड मा च, अब हम चंपावत कु विकास क दगड़ा दगड़ि उत्तराखण्ड थैं भि अग्वानया (अग्रणी) कु राज्य बणौळा। अर राज्य क 25 साळ पूरा हूंणि पर हमरि राज्य शिक्षा, स्वास्थ्य, बागवानी, कृषि, पर्यटन जन्ना तोकु थैं अगने बढ़ौणा खूंणि हम पूरि ताकत से काम करळा। चम्पावत क सब्यां गौ मा सड़क स्वास्थ्य अर शिक्षा जन्नि जरूरि सुविधा खूंणि योजना बणौळा।

उन्न बोलि कि केन्द्र मा मोदी क प्रधानमंत्री बणणा क बाद एक भि घोटाळा नि ह्वै। अब आखिर कुण मा खडु मनखि तक सरकार जाणि च।

मुख्यमंत्री न इतगा बडी़ जीत पर बोलि बल चम्पावत कु मि सदनि कु करजदार छौ। ऐ मौका फर उन्न पैल्यक विधायक कैलाश गहतोड़ी कु खास कैकि आभार बोलि अर बोलि कि कैलाश गहतोड़ी न अपड़ि सीट छोड़िक मिथैं जितौणा खंणि बौत बड़ी जिम्मेबरिळ काम कायी।

ऐ मौका फर सांसद अजय भट्ट, चुनाव प्रभारी कैलाश शर्मा विधायक राम सिंह कैड़ा औरि चम्पावत क रैवासी छायीं।