मुख्यमंत्री धामीन आरटीओ दप्तर मा मारि छापा

मुख्यमंत्री पुष्कर सिंह धामी न आज सुबेर देरादून मा आर.टी.ओ क दप्तर मा छापा मारि। ऐ अचाणचक आर.टी.ओ दप्तर मा पौंचिक मुख्यमंत्री न देखि कि जनता अपड़ा काम से 9 बजि बटि हि आरटीओ दप्तर मा पौंच्या ग्यें लेकिन वख काम करण वला कर्मचारी दप्तर मा नि छायी।

सुबेर 10 बजिक 30 मिनट पर आरटीओ दिनेश चन्द्र पिठोई भि अपड़ा दप्तर मा नि छायीं।
मुख्यमंत्री जब हाजिर रजिस्टर देखि त 80 प्रतिशत कर्मचारी दप्तर मा नि छायीं।

कर्मचारियों अर अधिकारियों ईं लापरै थैं देखिक मुख्यमंत्रीन आरटीओ दिनेश चन्द्र पठोई थैं निलंबित कैरि द्यायी। अर परिवहन सचिव अरविंद सिंह ह्यांकी थैं निर्देश दीं कि जतगा भि कर्मचारी बगत पर दप्तर मा नि छायी सब्यों पर सखत कारवै करैं ज्यां।