नामांकन से पैलि मुख्यमंत्री पुष्कर सिंह धामीन कायी रोड शो

चंपावत। उत्तराखण्ड मा चम्पावत उप चुनौ क तय्यरि शुरू ह्वै ग्यायी। चम्पावत उप चुनौ मा आज धामीन अपडु नामांकन कायी। जैमा भाजपा के बड़ बड़ा नेता पौंच्यां छायी। चम्पावत मा 31 मई खुंणि चुनौं च अर तीन जून खुंणि रिजल्ट।

धामी थैं मुख्यमंत्री क कुर्सी बचौंण खुंणि चम्पावत उप चुनौं मा जीतणु जरूरि च।

नामांकन मा जाण सै पैलि धामी थैं ऊंकी धरवलि न फिटै (तिलक) लग्यें। धामीन बोलि कि आज बौत खास दिनबार च। हम सब्यां बौत खुस छौ। रेखा आर्य न बोलि कि चम्पावत बटि मुख्यमंत्री क ऐतिहासिक जीत ह्वैळी। धामी क सत्कार मा बौत बड़ी संख्या मा मनखि पौंच्यां छायी। चंपावत क चुनौं मा सरकारक मंत्री अर पार्टी के पदाधिकारी धामी थैं जिताणा खुंणि चुनौं क मैदान मा जम्यां छन।

भाजपान सब्यां बूथों मा काम शुरू कैरि द्यायी अर बूथौं मा कार्यकताओं क जिम्मेबरि तय कैरि द्यायी।

मुख्यमंत्री खटीमा, बनबसा अर टनकपुर ह्वै कैकि चंपावत पौंचि। नामांकन से पैलि धामी न रोड शो मा अपड़ि तागत दिखें। धामी क नामांकन से पैलि हि चंपावत मा भाजपा के बड़ा नेता पौंच्यां छायी। चम्पावत उपचुनौं भाजपा धामी थैं जितौंण मा अपड़ि सर्या ताकत लगाणि च।