खुलि ग्यीं बाबा केदारक द्वार, मुख्यमंत्रीन प्रदेस के रैवासियों क जस खूंणि कायी अरज

बाबा केदार क द्वार आज सुबेर 6 बजिक 25 मिनट पर वैदिक मंत्रोचार क दगड़ खुलि ग्यीं।

बाबा केदार क द्वार खुलण के बगत मा मुख्यमंत्री पुष्करसिंह धामी अपिड़ घरवलि क दगड़ मा बाबा क द्वार पर छायी। बाबा क धाम थैं 10 कुन्टल फुळुल सजेंग ग्यें छायी।

केदानाथ धाम मा बाबाके पंचमुखी मूर्ति च। बाबा क द्वार खुलणा के बाद पैलि पूजा प्रधानमंत्री नरेन्द्र मोदी को नौ पर ह्वैं। मुख्यमंत्री धामी न बाबा क पूजा कैकि आशीर्वाद ल्यायी।

मुुख्यमंत्री धामीन केदारनाथ धाम मा पैलि रुद्राभिषेक पूजा कायी अर प्रदेस के रैवासियों क जस (सुख समृद्धि) खूंणि भगवान से अरज (प्रार्थना) कायी।

आज सुबेर पैलि बाबा केदार क उत्सव डोलि थैं भोग लग्यें अर पूजा कायी। जैका बाद डोलि थैं सजयें ग्यायी। वैका बाद केदानाथ क रावल भीमा शंकर लिंग, वेदपाठियों, पुजारियों, हक हकूकधारियों के समणि केदारबाबा क द्वार पर वैदिक मंत्रोच्चारण करै ग्यायी। 6 बजिक 25 मिनट मा केदारबाबा के द्वार खव्लें ग्यीं।

पैलि वेदपाठियों ने गर्भगृह क सफै कायी अर भोग लगें यांक बाद मंदिर म पूजा करैं ग्यायी।
सेना क बैंड क धुन अर सर्या केदारधाम बाबा क जयकारा हि जयकारा सुणेंणा छायी।