बाबा केदार क डोलि पौंचिग्यें केदारधाम मा

2 मई ऊखीमठ ओंकारेश्वर मंदिर बटि चलिक बाबा केदार क डोलि आज ब्यखूनी दा केदारधामा मा पौंचि ग्यायी। भोळ सुबेर 6 बजिक 25 मिनट मा बाबा द्वार खुल्यें जाला। यांकि सब्या तय्यरि पैरि ह्वै ग्यायी। बाबा डोलि क दंगड़ा मा बौत बड़ि संख्या मा श्रद्धालु भि केदारधाम मा पौंचि ग्यीं।

ब्याली बाबा क चल विग्रह डोलि अपड़ा आखिरी पड़ाव गौरीकुंड मा पौंचि ग्यें छायी। जख बटि आज सुबेर बाबा डोलि केदारनाथ धाम खूंणि चलि अर ब्यखूनी दा मराठा रेजीमेंट क बैंड क धुन अर जयकारों क अवजि मा बाबा क डोलि केदारधाम मा पौंचि ग्यायी।

भोळ सुबेर 6 बजिक 25 मिनट मा बाबा क द्वार खव्लें जाला। बाबा धाम थैं 10 कुन्टिल फुळुल सजयें ग्यायी।