केदारबाबा क द्वार खुलणा क सब्बि तय्यरि पूरि, मुख्य सचिव तय्यरि दय्खणा खूंणि केदारधाम मा पौंचि

गंगोत्री अर यमनोत्री धाम खुलणा क बाद उत्तराखण्ड मा चार धाम जात्रा शुरू ह्वै ग्यायी। यांका बाद अब 6 मई खूंणि केदारबाबा क द्वार खुलें जाला। केदारबाबा क द्वार खुलणा क सब्या तय्यरि पूरी ह्वैग्यीं। आज मुख्य सचिव डॉ. एस. एस. संधू न तय्यरि थैं दय्खणा खूंणि केदारधाम मा पौंचि।

मुख्य सचिव थैं जू कमि दिख्यें उन्न झट उथैं ठीक करणा क अधिकारियों थैं निर्देश दीं। मुख्य सचिव न केदारधामा मा मंदिर क चर्यां तरफ देखि अर अधिकारियों थैं निर्देश दीं कि केदारपुरी मा जु भि काम हूंणा छन वै मा गुणवत्ता पर खास ध्यान दियें जाण चैंद। उन्न बोलि कि केदारनाथ थैं जात्रियों क सुविधा क हिसाब से विकसित करैं जाण चैंद।

जिलाधिकारी मयूर दीक्षितन मुख्य सचिव थैं केदारपुर मा हूंण वला कामु क जाणकारी द्यायी। जिलाधिकारी न बतै बाबा के कपाट खव्लणा के सब्यां तय्यरि पूरि ह्वै ग्यायी। जात्रियों थैं अच्छि सुविधा मिल्यां या हमरि कोसिक च।

उन्न बोलि के केदारनाथ आणा वला जात्रियों थैं कुई भि परेसानी नि हूंण दियें जाली।