धामीन काम थैं आधार बण्यें कि अफसरू थैं जिम्मेबरि द्यायी

मंगलबार खूंणि मुख्यमंत्री पुष्कर सिंह धामी न ब्यूरोक्रेसी मा बदलाव कायी। मुख्यमंत्री काम करण वळों अधिकारियों थैं साख विभाग क जिम्मेबरि द्यायी। मुख्यमंत्री के ऐ फैसला देखिक इन्न ब्वलें जै सकदा कि मुख्यमंत्री न काम करणा वला अधिकारियों पर भरोसु कायी। यू अधिकारियों मा मीनाक्षी सुंदरम, अभिवन कुमार, शैलेश बगोली छन। त राधा रतूड़ी अर राधिका झा जन ब्यटुळौं थैं भारी जिमदारी देकैकि जादा मजबूत करै ग्यायी। अब मुख्यमंत्री सचिवालय क सर्या दारमदार राधा रतूड़ी क कांधु मा च।
प्रदेस के मनखियों क भावना को सम्मान कैकि मुख्यमंत्री न स्वास्थ्य विभाग क जिम्मेबरि बटि पंकज पाण्डे थैं हट्टै द्यायी।

24 मार्च खूंणि दूसर बार मुख्यमंत्री बणणा के बाद मुख्यमंत्री न 25 दिन बाद ब्यूरोक्रेसी मा फेर बदल कायी। जबकि हूंद इन्न छायी कि मुख्यमंत्री कसम खाणा क बाद हि एक या द्वी दिनु मा प्रशासनिक फेर बदल कर्दा छायी लेकिन धामी न इन्न नि कायी। धामीन मंगलवार खूंणि 22 आईएएस अफसरू क जिम्मेबरि थैं बदलि द्यायी। धामीन ऊं अधिकारियों पर भरोसु कायी, जू झट अपडु काम थैं करदि अर फैसळा देंणा क हिकमत करदि।

अब मीनाक्षी सुंदरम मुख्यमंत्री क सचिव के जिम्मेबरि सम्भालळा, ऐ का दगड़ मा ऊंथैं ऊर्जा, वैकल्पिक ऊर्जा, श्रम वित्त क भि जिम्मेबरि दियें ग्यायी। आई पीएस अफसर अभिनव कुमार मुख्यमंत्री क खास सचिव के काम काज थैं दयाख्ला, ऐका दगड़ मा सूचना, खेला अर युवा कल्याण जन्ना विभाग क जिम्मबरि ऊंथैं दियें ग्यायी।

ब्यटूलों अधिकारियों मा मुख्यमंत्रीन बौत जादा महतव द्यायी। अपर सचिव राधा रतूड़ी थैं मुख्यमंत्रीन सचिवालय, गृह अर कारागार क जिम्मेबरि द्यायी। मनीषा पंवार थैं अवस्थापना विकस आयुक्त अर उत्तराखण्ड परिवहन क अध्यक्ष कु कार्यभार भि दियें ग्यायी। शैलेष बगोली थैं कृषि अर कृषक कल्याण अर उच्च शिक्षा विभाग दियें ग्यीं। पंकज पाण्डे थैं औद्योगिक विकास अर खनन विभाग कि जिम्मेबरि दियंे ग्यायी।

धामी जण्दा छन कि प्रदेस मा आईएएस कर्मचारी कम छन। जै कारण धामी न काम थैं आधार बण्यें कि अफसरू थैं विभागों कु बटवारू कायी। उत्तराखण्ड मा आईएएस कैडर क 120 पद छन अर अबि प्रदेस मा 100 से कम आईएएस अधिकारि छन।