सतपाल महाराज के मांग ल्यायी रंग, सचिवों क एसीआर ल्यखणा क मामला मा कमेटी ह्वैलि गठित
देरादूण। कैबिनेट मंत्री सतपाल महाराज ल या मांग कि सचिवों के एसीआर ल्यखणा कु अधिकार कैबिनेट मंत्रियों थैं दियंे जाणा क मांग अब रंग ल्याण बैट्ठि ग्यायी।
ऐ मामला मा अब मुख्यमंत्री पुष्कर सिंह धामी न मुख्य सचिव थैं एक कमेटी बणाणा का निर्देश देदी।
प्रदेस क लोक निर्माण, पर्यटन, सिंचाई, लघु सिंचाई, पंचायतीराज, संस्कृति, धर्मस्व, ग्रामीण निर्माण, जलागम प्रबंधन एवं भारत नेपाल उत्तराखण्ड नदी परियोजनाऐं मंत्री सतपाल महाराजन बौत बगत बटि शासन मा सचिवों के एसीआर ल्यखणा अधिकारी कैबिनेट मंत्रियों थैं देंणा क दगड़ा दगड़ा मा जिला पंचायत अध्यक्ष थैं जिलाधिकारी अर ब्लॉक प्रमुख थैं बीडीओ क एसीआर ल्यखणा क अधिकार दियें जाणा का बात करणा छायी।
आज चारधाम जात्रा क व्यवस्था थैं लेकैकि हुईं बैठक क बाद मुख्यमंत्री पुष्कर सिंह धामी न बतै कि पैलि भि इन्न व्यवस्था छायी। उन्न ब्वाळ कि कैबिनेट मंत्री सतपाल महाराज के ब्वल्यां पर उन मुख्य सचिव थैं ब्वाळ कि झट एक कमेटी बण्यें कि ई बातकु अध्ययन करै ज्यां कि कै-कै राज्य मा मंत्रियों थैं सचिवों क सीआर ल्यखणा कु अधिकार च।
महाराज न ब्वाळ कि राज्य सब्बि जनप्रतिनिधियों थैं मजबूत करैं जालु। उन्न ब्वाळ कि कै बार अधिकारी जनता क समस्या के समाधान हि नि करदा। उन्न ब्वाळ कि ई यू कारण च अधिकारियों क सीआर ल्यखणा कु अधिकर मिलण चैंद। जै सै अधिकारियों जनता क अर विकासा क कमा करणा मा लापरवै नि करि सक्यां।