धामी थैं दुबरा उत्तराखण्ड क् कमान
देरादूण। उत्तराखंड विधानसभा चुनौं परिणाम क् 11 दिन बाद आखिकार प्रदेस थैं मुखिया मिळि ग्यायी।
उत्तराखण्ड विधायक दळक बैठक मा धामी थैं विधायक दळकु नेता बण्यें ग्यायी। बैठक मा केन्द्रीय पर्यवेक्षक रक्षामंत्री राजनाथ सिंह व विदेश राज्य मंत्री मीनाक्षी लेखी छायी।
भाजपा प्रदेस कार्यालय मा सांसद अर विधायकों क बैठकमा दिल्ली बटि अयां केन्द्रीय पर्यवेक्षक राजनाथ सिंह न बैठक उत्तराखण्ड क मुख्यमंत्री क नौं पर चर्चा कायी। बैठक क बाद राजनाथ सिंह धामी क नाम क घोषणा कायी। धामी नौं पर सब्बियों न हा कैरि द्यायी।
बतै दियां कि 10 मार्च खूंणि अयां चुनौं परिणाम मा भाजपा ने 47 सिट्ट जीति। लेकिन मुख्यमंत्री धामी खटीमा बटि चुनौं मा हरि ग्यीं। चुनौं मा हरणा का बाद भि हाईमान ने धामी पर हि भरोसु कायी अर धामी थैं हि प्रदेस के कमान दिंणा कु फैसळा कायी।
बैठक मा उत्तराखण्ड चुनौ प्रभारी केंद्रीय मंत्री प्रल्हाद जोशी, रक्षा राज्य मंत्री अजट भट्ट, रमेश पोखरियाल निशंक, सांसद अजय टम्टा, माला राज्य लक्ष्मी शाह, तीरथ सिंह रावत, राज्यसभा सदस्य अनिल बलूनी अर नरेश बंसल मौजूद छायी।