प्रदेस क नै मुख्यमंत्री के खोज मा रितु खंडूड़ी क नौ भि जुड्ईं ग्यायी

70 म बटि 46 सिट्ट जितणा का बाद भि भाजपा मुख्मयंत्री क झंगज्याट मा उलझी ग्यायी। नै सरकार बणाणा कु अबि दिन तय नि ह्वायी। इन्न मा इन्न्नु लगणु च कि अब नै सरकार होरि का बाद हि शपथ ग्रहण कारळी।

चुनौं तनीजों क द्वी दिन बाद भि अभि या बात साफ नि ह्वै के प्रेदस मा नै मुख्यमंत्री कु होळु। देरादूण आण वळा भाजपा के प्रवेक्षक अभि तक न देरादूण नि पौंची सक्यां। ईं वु बड़ु कारण च देरादूण बटि विधायकों क दिल्ली दौड़ शुरू ह्वैग्यायी।

ब्याळी तक मुख्यमंत्री क दौड़ मा पुष्कर सिंह धामी, डॉ. धन सिंह रावत अर सतपाल महाराज नौ क चरचा हूंणि छायीं। त अब नरेन्द्र नगर क विधायक सुबोध उनियाळ दिल्ली मा डेरा जमै कि बैठ्या छन। व खबर च सांसद अजय भट्ट भि मुख्यमंत्री क दौड़ मा छन। उन्न आज बीएल संतोष क दगड़ मा मुखा भेंट भि कायी।

एक तरफ मुख्यमंत्री क कुर्सी खूंणि दिल्ली मा झंगझाट हूंणि च। त दूसर तरफ वै मा एक औरि नौ कोटद्वार बटि रितु खंडूड़ी का भि जुड्य ग्यायी। रितु खंडूड़ी थैं भि दिल्ली बुल्यें ग्यायी।

बतै जाणु च कि उत्तराखण्ड मा भाजपा ब्यटुळा (महिला) थैं मुख्यमंत्री बण्यें सकद। बतै जाणु च कि ऋतु खण्डूडी के घर्वाळु (पति) केन्द्र सरकार मा सीनियर हेल्थ सेक्रेटी राजेश भूषण प्रधानमंत्री नरेन्द्र मोदी का खास छन। अर सर्या कैबिनेट उंकी काम क बढै़ करदी। ई वु बड़ु कारण बत्यें जाणु च कि ऋतु खण्डूड़ी भि मुख्यमंत्री क दौड़ मा शामिळ च। अब दय्खण वळि बात या च कि भाजपा कैक मुण्ड मा मुख्यमंत्री क ताज रखद? क्या भाजपा उत्तराखण्ड प्रदेस थैं पैळि ब्यटुळा मुख्यमंत्री दीन्दि?