प्रदेसा कु विकास भाजपा न हि कायी, अर भाजपा हि कारळि : सतपाल महाराज

पौड़ी। प्रदेस विकासा क जै अवधारणा थैं लेकैकि अटल बिहारी वाजपेयी न उत्तराखंड बण्यें छायी अब प्रधानमंत्री नरेन्द्र मोदी वे उत्तराखण्ड थैं सजौंणा कु काम करणाा छन।

यिं बात भारतीय जनता पार्टी क चौबट्टाखाल विधानसभा प्रत्याशी सतपाल महाराज न अपड़ि तोक (क्षेत्र) मा जनसंपर्क करदा बगत ब्वाळ। उन्न ब्वाळ कि उत्तराखण्ड मा डबल इंजन क सरकार प्रदेस क विकास क नै ऊचैं मा ळिजाणिं च। प्रदेस मा डबल इंजन क सरकारक मा एक लाख करोड़ रूप्यों क परियोजनाओं क काम हूंणा छन।

महाराजन आज मंगलवार खूंणि क एकेश्वर मा किरखू, सासौं, बुडौली, मासौं, मसैटा और चोपण्यों (पाबौ) मा रैवासियों के समणि भाजपा सरकार क काम बतैं अर ब्वाळ कि हमरि सरकार न प्रदेस मा चारधाम जात्रा थैं ऑलवेदर रोड बण्यें कि बौत आसान बणैं द्यायी। उन्न ब्वाळ कि ईं परियोजना मा 889 किलोमीटर लम्बु राष्ट्रीय राजमार्गों खूंणि 11,700 करोड़ रूप्यों क काम करैंग्यीं। ऋषिकेस बटि कर्णप्रयाग तक 16,216 करोड़ रूप्यों क रेल लैन बण्यें जाणि च।

सतपाल महाराज न अपड़ा कामु क भि जाणाकारि द्यायी। उन्न बतै कि उन्न चौबट्टाखाल विधानसभा तोक मा बौत विकासा क काम करि। उन्न बतै कि उन्न चौबट्टाखाळ तोक (क्षेत्र) मा पर्यटन योजनाओं थैं जमीन मा उत्रणा कु काम कायी। अब्बि 2267.20 लाख रूप्यों क पर्यटन क बौत काम हूंणा छन। उन्न बतै कि अमोठा, सिमरखाल, पिनानी अर पांग मा 75 लाख रूप्यों कु ग्रोथ सेन्टर बण्यें जाणा छन। सर्या चौबट्टाखाल तोक मा विकासा क गंगा ब्वागणि च। सतपुली अर स्यूंसी मा झील बणाणा क मंजूरि मिळि ग्यायी।

सतपाल महाराज की घरवळि (धर्मपत्नी) अमृता रावत न सीली मल्ली, रसिया महादेव अर बीरोंखाल मा अर उंका बडु़ नौंना श्रद्धेय रावत मयलगांव, गडरी, कोला, पणिया जयकोट और जजेड़ी मा त छ्वट्टा नौंना सुयश रावत न भि गौं-गौं मा जै कैकि सतपाळ महाराज खूंणि बोट मंगि।