मुख्यमंत्री न विजय दिवस पर शहीदों थैं द्यायी श्रद्धांजळि

देरादूण। मुख्यमंत्री पुष्कर सिंह धामी न आज विजय दिवस पर गांधी पार्क देरादून मा शहीद स्मारक मा पुष्पचक्र अर्पित कैकि शहीद जवानों थैं श्रद्धांजळि द्यायी। मुख्यमंत्री न ब्वाळ कि भारतक सैन्य इतिहास मा 16 दिसम्बर वीरता अर पराक्रम कु ऐतिहासिक दिन च।

मुख्यमंत्री न देस की एकता अर अखंडता खूंणि अपड़ा प्राण देंण वळा जवानों थैं नमन कायी अर ब्वाळ कि हम इन्न जवानों क कारण हि हम अराम से सीन्दों।

उन्न ब्वाळ कि देय्बतों क धरती उत्तराखण्ड क मनखियों मा हमेसा देस खूंणि समर्पण क भावना रैंद।

उन्न ब्वाळ कि प्रधानमंत्री मोदी ने हमेसा देस अर देस क जवानु क मनोबळ बणणा कु काम कायी।?

ऐ मौका पर सैनिक कल्याण मंत्री गणेश जोशी, विधायक खजानदास अर जिळाधिकारी देरादूण मौजूद छायीं।