धामी क सियासी किसमत थैं जगौण मा गीता धामी क बौत बडु़ योगदान च

माया क ज्यूड़ा मा बंध्या पति पत्नी के रिसतों क महत्व थैं शब्दों मा लेक्खि नि जै सकदु। जीबन मा दगडु निभाण वळु दग्ड़यां कंधा से कंधा मिळै कि साथ दे त कुईं भि मुसकिल आसान ह्वै जांदा अर मनखि नैं ऊंचै तक पौंछण बैठि जांदा।

उत्तराखण्ड क मुख्यमंत्री पुष्कर सिंह धामी क दगड़ा मा भि इन्नि ह्वै। उंकी कामयाबी मा उंकी ब्वारी गीता धामी कु बौत बडु योगदान च।

पुष्कर सिंह धामी मा अगने रै कैकि काम करणा क गुण छ्वट्टा बटि हि छायीं, लेकिन ब्यौ करणा क बाद उंकी सियासी किसमत कुछ अळग हि चमकण बैट्ठि ग्यायी। 28 जनवरी 2011 मा पुष्कर सिंह धामी कु ब्यों गीता धामी क दगड़ मा ह्वै। ब्यों हूंणा क कुछ हि मैनों क बाद धामी थैं खटीमा मा बटि टिकट मिळ ग्यायी। चुनौं जीतिक धामी एक सेवक क रूप मा जनता के सेवा मा लग्गीं। विधान सभा खटीमा मा उंका काम से खुश भाजपा न 2017 मा दुबरा उथैं टिकट देद्यायी। धामी न दुबरा खटीमा बटि जीत हासिळ कायीं।
द्वया विधान सभा चुनौं मा उंकी ब्वारी गीता धामी न उंकु पूरि मदद हि नि कायी बल्कि चुनौं प्रचार अर रणनीति बणाणा मा भि अपणु सहयोग द्यायीं।

ऐ बीच मा अचाणचक धामी थैं उत्तराखण्ड क मुख्यमंत्रीक जिम्मेबरि मिळि ग्यायी। मुख्यमंत्री बण्णा क बाद धामी देरादूण ऐग्यीं। त उंकी ब्वारी गीता धामी न खटीमा का सर्या जिमदारि अपड़ा कांधु मा ले ल्यायी। गीता धामी क राजनीति से दूर-दूर तक कुईं वासता नि छायीं लेकिन वैका बाद भि गीता धामी अपड़ा पति क जिमेबारि थैं बौत अच्छी तरौं निभाणी छन। या मा सबसे बड़ि बात च कि गीता धामी सीधा जनता का बीच जाणि च अर जनता क परेसानी थैं टक लग्गेंकि सुंणिक उंका समाधान करणी च। गीता धामी खास ध्यान रखदि कि गळति से कु गळति नि हो। गीताधामी क व्यवहार मा हनक, रौब कखि बटि नि दिखेंन्दु।
धामी न अपड़ा पांच मैना मा 500 से जादा जनहित मा फैसळा करि। धामी क कुछ साहसिक फैसळों न उंकु राजनैतिक कद भि बणि ग्यायी अर भविष्य क नेता क रूप मा उंकी काबिलियत समणि ऐग्यायीं।

धामी न बतै द्यायी कि उमा गजब कु जज्बा समर्पण का इच्छाशक्ति च दरअसळ मा येक पिछने भि गीता धामी हि च। किलैकि गीता धामी मुख्यमंत्री क विधानसभा मा अपड़ि जिमेबारी थैं बौत अच्छी तरौं से निभाणि च, अर खटीमा मा रै कैकि गीता धामी जनता क सेवा करणि च। जनता क बीच रैंण क बाद व अपड़ा धौर मा अपणि सासु अर नौंनों का जिमबारि थैं अच्छी तराैं निभाणि च। ब्यों क बाद से हि धामी थैं चिंता छायीं कि पारिवारिक जिमेबारि क बीच सामाजिक कार्य थैं कन कैकि कारळा। धामी न कई बार ब्वाळ भि च कि उंकु सौभाग्य च कि उंकी सियासी किसमत थैं जगौंण मा गीता धामी क बड़ि भूमिका च। गीता धामी उंथैं साहसिक फैसळा लिंणा खूंणि हिकमत दींद। अर या बात खटीमा विधानसभा क रैवासि भि ब्वळदन कि गीता धामी क्षेत्र क हर समस्या क समाधान खूंणि हमेसा त्यार रैंद। गीता धामी अपड़ा घौर मा सब्बि विधानसभा रैवासियों स्वागत करदी अर उंकी पीड़ा थैं सुणिक समाधान करणा क कोशिश करदि। खटीमा मा गीता धामी क ळोकप्रियता मुख्यमंत्री धामी से कम नि च। राजनीति क समझ क दगडा-दगड मा गीता धामी ब्वळण मा बौत अच्छी छन।