मुख्यमंत्री धामी न ब्वाळ हरीश रावत थैं गैरसैंण क चिन्ता करणा क जरूरत नि च

देरादूण। मुख्यमंत्री पुष्कर सिंह धामी न ब्वाळ कि हरीश रावत थैं गैरसैंण क चिन्ता करणा क जरूरत नि च। उन्न ब्वाळ कि गैरसैंण हमरि भवानाओं का केन्द्र च। उन्न ब्वाळ कि उत्तराखण्ड 25 सौं स्थापना दिवस तक आदर्श राज्य क रूप मा विकसित ह्वै जाळु।

राज्य स्थापना दिवस क मौका पर मुख्यमंत्री अपड़ा घार सीएम आवास मा पत्रकारू से ब्वाळ कि गैरसैंण थैं रूड़ियों क राजधानी बण्यें ग्यायी। उन्न ब्वाळ कि गैरसैंण का विकास खूंणि हमरि सरकार प्रतिबद्ध च। जै खूंणि हमरि कोशिश जारी च, जमीनम काम करै जाणा छन। उन्न ब्वाळ क कांग्रेसियों थैं गैरसैंण क चिन्ता करणा क जरूरत नि च।

मुख्यमंत्री न ब्वाळ कि ऑळ वेदर रोड विकसित करैं जाणी च, जै पर बौत तेजी से काम हूंणि च। भारत माळा प्रोजेक्ट मा सड़क्यिों क जाळ बिछायें जाणु च। प्रदेस मा हव्वै जाजक (हवाई जहाज) सेवा लगातार बणणि छन। ऋषिकेश कर्णप्रयाग रेळ लैन, टनकपुर बागेश्वर रेळ लैन, रूड़की देवबंद लैन, डोईवाळा ऋषिकेश रेळ लैन क तेजी से काम अगने बण्णूं च।

मुख्यमंत्री न ब्वाळ कि ऐसु का साळ राज्य स्थापना क मौका पर उत्तराखण्ड गौरव सम्मान दियें जाळु। उन्न ब्वाळ उत्तराखण्ड गौरव सम्मान ऊथैं मिळळु जौं न राज्य क विकास अर राज्य क नौ थैं सर्या देस मा रौशन कायी।

मुख्यमंत्री न ब्वाळ कि राज्य विकास खूंणि सरकार न चार मैना मा 400 फैसळा ळीं। उन्न बतै कि सरकार न प्रदेस विकास खूंणि औरि भि योजना तैयार करि छन।