30 प्रतिशत आरक्षण थैं लेकैकि ब्यटुळों क संगठन न परेड ग्राउंड मा उर्यें कछड़ि

देरादूण। ब्यटुलौं थैं 30 प्रतिशत क्षैतिज आरक्षण दियें जाणा क मांग थैं लैकेकि आज बौत सर्या ब्यटुळों क संगठन अर ज्वानु न आज परेड ग्राउंड मा जमा ह्वीं जैका बाद उन्न सब्यौं न अपड़ि मांग थैं लेकैकि परेड ग्राउंड मा एक कछड़ि (सभा) उर्यें।

सभा मा आंदोलकारियों बोलि कि यु क्वीं राजनीतिक मंच नीं च, या हमरि हकों क लडैं च। हमन यु राज्य पाड़ क नौन्याळु खूंणि मांगि छायीं अर आज उथैं हि नौकरि नीं मिलणि च। उन्न प्रदेस क ब्यटुळों खूंणि 30 प्रतिशत आरक्षणा क मांग कायी।

आंदोलन मा सामिल ब्यटूळों न नारी शक्ति जिंदाबाद जन नारा लगें अर सबि संगठनु से एक मंच पर आणा क विनती कायी।