30 सितम्बरा बाद उत्तराखण्ड बिटि विदा ह्वे जालु मानूसन

देरादूण। उत्तराखण्ड बिटि 3 सितम्बरा बाद मानूसन विदा ह्वे जाल पर मानसूना विदै से पैलि पैलि एकदा दुबरा प्रदेसा म मौसम बदलि ह्वे सकदु। मौसम विभागन 25 अर 26 सितम्बर खुणि उत्तराखण्डम बरखा बतै।

मौसम विभागा निदेशक विक्रम सिंह न बतै कि प्रदेस म बरखा कम ह्वेग्ये। उन्न बोलि 4 से 5 दिनुम प्रदेसा कुछ जिलौं म आइसोलेटेड टाइप गतिविधि दिख्येंणि च। अर 23 अर 24 सितम्बर खुणि प्रदेसा जादा तर जगों म मौसम साफ रैंणा उमेद च।

मौसम साफ हूंणा बाद गरम अर तामस (उसम) हूंणि च। उन्न बतै कि 25 से 26 सितम्बर खुणि प्रदेसम हरद्वार अर उधम सिंह जिलों तैं छोड़िकि हौरि जिलौं मा मॉडरेट रेन गतिविधि क उमेद च। यांका बाद 30 सितम्बर तक प्रदेस कु मौसम अच्छु रालु पर पाड़ कुछ जिलौंम कुछ जगों पर बरखा ह्वे सकदि।

निदेशक विक्रम सिंह न बतै कि मानसून विदै आज बिटि राजस्थान बिटि सुरु ह्वेग्ये। राजस्थान बिटि विदै क बाद हिमालयी प्रदेसु बिटि मानूसन तैं जाणम एक हप्ता कु बगत लगि जांद। उन्न बोलि प्रदेस बिटि 30 सितम्बर बाद मानसून विदै ह्वे जाली।