आढ़त बजार गुरुद्वार म बणि सराय तैं अल्पसंख्यक कल्याण निधि बटि 25 लाख रुप्या दियें जाला : मुख्यमंत्री धामी

देरादूण। मुख्यमंत्री धामीन आज सहारनपुर चौक गुरुद्वारा मा श्री गुरू सिंह सभा देरादूण कु उर्यूं सिख समुदाय मा हूंण वलु ‘आनन्द कारज’ क पंजीकरण बन्दबस्त लागू करण खूंणि उर्यूं कार्यक्रम म भाग ल्यायी। मुख्यमंत्री न बोलि कि आढ़त बजार गुरुद्वार मा बणि सराय तैं अल्पसंख्यक कल्याण निधि बटि 25 लाख रुप्या दियें जाला। उन्न बोलि कि सिख समाज मा सेवा कु जु खास भाव च, वै हि भाव क जरिया गरीब सिख कुटुम्दरि क नौन्याळु अर समाज क औरि गरीब ळोगु खूंणि सिख समाज न इस्कुल खव्लयां छन। उन्न बोलि इन्न इस्कुळु मा संसाधनु खूंणि 25 लाख रुप्यौं दियें जाणा छन।

मुख्यमंत्री न बोलि कि ‘आनन्द कारज’ एक्ट खूंणि साल 1909 मा पैलि बार मांग उठि छायीं, यांका बाद कानून बणौंणा खूंणि अर पास करणा खूंणि सिख समाज तैं बौत लम्बी लड़ै लड़ण पोडि।

मुख्यमंत्री न बोलि प्रदेस सरकारन कैबिनेट मा आनन्द कारज एक्ट तैं मंजूरि दे कि सखि समाज क पूरणि मांग पूरि कायी। मुख्यमंत्री न बोलि कि प्रधानमंत्री मोदी क नेतृत्व मा आज करतापुर कॉरिडोर बणाण सिख समाजै सालु पूरणि मांग पूरि ह्वै। गुरू गोविन्द सिंह जी क साहिबजादों क शहादत क समळौंण मा ‘वीर बाल दिवस’ मनौंणा जनि फैसला ह्वै।

एक मौका फर सुनील उनियाल गामा, विधायक खजानदास, गुरूद्वारा गुरू सिंह सभा पदाधिकारी छायीं।