22 मार्च बटि शुरू ह्वाळु झण्डे जी कु कौथिग (मेला)

देरादूण। 22 मार्च बटि श्री दरबार साहिब मा ऐतिहासिक झंडे जी क आरोहण के बाद झण्डा के कौथिग शुरू ह्वै जाळु।

झण्डा क कौथिग मा पंजाब, उत्तर प्रदेश, हरियाणा, हिमाचल प्रदेस बटि पैदळ संगत देरादूण मा पौंचि ग्यीं। दरबार साहिब क श्री महंत देवेन्द्रदास जी महाराज न आज 90 फीट लम्बु ध्वजदंड क पूजा कायी अर अरदास कायी।

जैका बाद संगतों न नै ध्वजदंड थैं अपड़ा कान्धों मा धैरिक जयकारों के दगड़ श्री दरबार साहिब पौंच्य।

झंडा क कौथिग मा पौंचि संगतों न श्री दरबार साहिब मा श्री महंत देवेंन्द्र दासमहाराज क दर्शन करि अर उंकु आशीर्वाद ल्यायी।

बतै दिंया कि पिछळ द्वी साळ बटि कोरोना क कौथिग थैं छ्वटु कर्यें ग्यायी।

ऐसु क साळ श्री दरबार साहिब मा भित्ति चित्रों के आकर्षण राळु। यू भित्ति चित्रों थैं पाणि, धुळ, प्रदूषण अर धाम से बचणा क विशेष तकनीक क प्रयोग कर्यें ग्यायी। श्री दरबार साहिबक कु लगभग 346 साळु क इतिहास क दगड़ि टिहरी नथ थैं भि भित्ति चित्रों मा बत्यें ग्यायी।