200 करोड़ रुप्यौं क मनी लॉन्ड्रिंग, पैल्यक मुख्यमंत्री क सलाहकार क घरवळि पर छन आरोप
देरादूण। देरादूण मा सोशल बेनिफिट म्यूचुअल फंउ लिमिटेड कम्पनी क खिलाफ 200 करोड़ रुप्यौं कु मनी लॉन्ड्रिंगक आरोप मा पुलिस मुख्यालय न आर्थिक अपराध शाखा थैं जांच क आदेश दे दीं।
जाणकारि च कि पैळि शासन क आदेश पर एसटीएफ न जांच मा आरोपी म्यूचुअल फंड कंपनी न आरडी अर एफडी इन्वेस्टमेंट क नौं फर मनी लॉन्ड्रिंग कै छायीं। साल 2017 बटि 2020 तक आरोपी सोशल बेनिफिट म्यूचुअल फंड कम्पनी न निधि योजान क नौं से मनी लॉन्ड्रिंग कु यु काम कायीं।
ऐ मामला मा साल 2017 बटि 2020 तक उबरि क मुख्यमंत्री त्रिवेन्द्र सिंह रावत क औद्योगिक सलाहकार क घरवळि न कम्पनी क निदेशक पद फर काम कायी।
ऐ मामला मा खानपुर बटि विधायक उमेश कुमार न शिकैत कै छायीं। जैका बाद पुलिसन जांच कायी अर अब पुलिस मुख्यालयन ऐ मामला मा आर्थिक अपराध शाखा थैं जांच क आदेश देयाली।
मामला मा राज्य कानून व्यवस्था थैं दय्खण वळा एडीजी लॉ एंड ऑर्डर डॉ. वी मुरुगेशन न बतै कि पैळि जांच मा मनी लॉन्ड्रिंग समणि ऐ, जै का आधार पर हि ईओडब्ल्यू थैं अब जांच दियें ग्यें अर जांच पूरि हूंणा क बाद अगनै क कारवै करैं जाली।