केन्द्र पोषित योजनौं मा मिलण वला पैसौं तैं सौ फीसदी खर्च कर्यें ज्यां : मुख्यमंत्री
देरादूण। मुख्यमंत्री धामीन आज सचिवालय मा केन्द्र पोषित योजना अर वाह्य सहायतित परियोजनौं क समीक्षा बैठक कायी।
मुख्यमंत्री न बोलि प्रदेस मा केन्द्र पोषित योजनौं मा केन्द्र सरकार तरफ बटि मिलण वला पैंसौं तैं विकासा कामु मा सौ फीसदी खर्च कर्यें ज्यां। मुख्यमंत्री न निर्देश दीं केन्द्र पोषित योजनौं फर नजर रखणा खूंणि शासन स्तर पर एक मॉनिटरिंग सेल बण्यें ज्यां अर विभागा कु केन्द्र सरकार तैं भ्यज्यूं प्रस्ताव फर मंजूरि क बाद विभागा कर्या कामु क मॉनिटरिंग कर्यें ज्यां।
मुख्यमंत्री न निर्देश दीं कि केन्द्र पोषित योजनौं क जरिया योजना तैं सफल बणौंणा खूंणि कैबि विभाग मा क्वीं बि दिक्कत च त, मुख्यमंत्री दप्तर मा दिक्कत क बारा मा बत्यें ज्यां अर समस्या क समाधान खूंणि जौ अधिकारियों क जिम्मेबरि च ऊंका दगड़ि बैठिक समाधान कर्यें ज्यां। मुख्यमंत्री न बोलि कि यु बि निर्देश दीं कि विकास योजनौं मा केन्द्र सरकार बटि मंजूर पैंसौं क बाद फैल शासन मा रुकण नीं चैंद।
मुख्यमंत्री न बोलि कि विभागीय सचिव अपड़ा स्तर से पैंसा मंजूर कर्या।
बैठक मा अपर मुख्य सचिव श्रीमती राधा रतूड़ी, प्रमुख सचिव आर. के सुधांशु , एल. फैनई अर विभागु क सचिव, अपर सचिव अर अधिकारी छायीं।