उत्तराखण्ड देवभूमि क दगड़ मा वेदभूमि बि च: मुख्यमंत्री
देरादूण। मुख्यमंत्री धामी न आज सचिवालय मा वर्चुअली देवप्रयाग मा बण्यूं केन्द्रीय संस्कृत विश्वविद्यालय क श्री रघुनाथ कीर्ति परिसर क स्वामी करपात्री जी महाराज क स्मळौण मा वेद शास्त्र अनुसंधान केन्द्र कु उद्घाटन कायी।
मुख्यमंत्री न बोलि कि देवभूमि खूंणि गौरव क बात च संस्कृत क तोक मा श्री रघुनाथ कीर्ति परिसर बौत कम बगत मा बड़ु नौं बणिग्यें। उन्न बोलि कि यु परिसर केन्द्र सरकार क प्रदेस तैं बौत बड़ी सौगात च। देववाणी संस्कृत क प्रचार अर प्रसार खूंणि इन्न विश्वविद्यालय कु महत्व साख च। उन्न बोलि कि हम चाणा छा कि पुरणू ज्ञान क तोक मा उत्तराखण्डा क आध्यात्मिक भूमि अपडु वैभव तैं दूबरा हासिल कारळु अर हमरि संस्कृति कु प्रचार-प्रसार ह्ोळु।
मुख्यमंत्री न बोलि कि पैळि उत्तराखण्ड क पाड़ि तोक क नौन्यालु तैं संस्कृत क उच्च शिक्षा लिंणा खूंणि वाराणसी, जयपुर, केरल, हरद्वार जाण प्वाड़दु छायीं। ये परिसर क खुलण सेे या दिककत सदनि खूंणि दूर ह्वैग्यें। उन्न बोलि कि प्रधानमंत्री मोदी कु ऐ परिसर पर साख लगाव छायीं अर वु खळाखळ ऐ परिसर क कामु म जाणकारि लिंणा छायीं। उन्न बोलि कि यु मोदी क संस्कृत अर उत्तराखण्ड प्रदेस खूंणि पीड़ कु बडु उदाहरण च।
मुख्यमंत्री न बोलि कि हमर कोसिस च कि संस्कृत क जरिया रोजगार बि मिल्यां।
उत्तराखण्ड देवभूमि क दगड़ मा वेदभूमि बि च। भारत सर्या दुन्या तैं वेदु क ज्ञान दे, वीं कारण हमतैं विश्वगुरु ब्वलें जान्द। उन्न बोलि कि हम हम यीं पछ्याण तैं तबि बण्यें कि धैर सकदो जब संस्कृत कु प्रचार अर प्रसार सर्या देस मा ह्वोळु।
मुख्यमंत्री धामी न बोलि हम संस्कृत तैं जणळा त अपड़ि संस्कृति थैं पछ्याणला।
इस अवसर पर विधायक विनोद कंडारी , स्वामी अभिषेक ब्रह्मचारी, युवा चेतना क राष्ट्रीय संयोजक रोहित कुमार सिंह, केंद्रीय संस्कृत विश्वविद्यालय क कुलपति प्रो. श्रीनिवास वाराखेड़ी, परिसर क निदेशक डा. पीवीबी सुब्रह्मण्यम वखम छायीं।